Таиланд пойтахти Бангкок шаҳрида каратэ WKF бўйича ўтказилган жаҳон кубоги таснифидаги «Tayland Karate Cup International Chempionships-2025» мусобақасида мамлакатимиз каратэчилари муносиб натижаларга эришди.

20 га яқин давлатнинг энг сара спортчилари иштирок этган халқаро мусобақада тажрибали мураббийлар Дилшод Юсупов ва Ҳамдамжон Шодибеков шогирдлари ватанимиз шарафини муносиб ҳимоя қилди. Баҳслар сарҳисобига кўра, каратэчиларимиз 4 та олтин ва 4 та кумуш медалини қўлга киритишди.

Терма жамоамиз аъзоларидан Рустамжон Собиров, Жалолиддин Арипов, Камронбек Камилов, Камронбек Рустамжонов олтин, Саидкамол Адилов, Зубайир Азадов, Камронбек Абдуқаюмов, Зиёвуддин Имомов кумуш медалларга мушарраф бўлишди.

Т.Рўзиев, ЎзА