Малайзияда велоспортнинг трек йўналиши бўйича катталар, ёшлар ва параспортчилар ўртасида Осиё чемпионати давом этмоқда.

Осиё чемпионатининг дастлабки кунида жамоавий спринт пойгаларида стартга чиққан Азимбек Абдуллаев, Азизхўжа Олимхўжаев ҳамда Камола Нуруллаевадан иборат терма жамоамиз олтин медалга сазовор бўлди.

Мусобақанинг иккинчи куни доирасида қуйидаги спортчиларимиз иштирок этади:

Ёш қизлар, кейрин — Алина Бакчеева;

Ёш қизлар, скретч — Роксана Ҳикматова;

Ёш қизлар, гуруҳ пойгаси — Самира Исмоилова, Алина Бакчеева, Роксана Ҳикматова, Надежда Бартенева;

Ёшлар, скретч — Муҳриддин Сапаров;

Аёллар, чиқариб юбориш — Нафосат Козиева;

Эркаклар, чиқариб юбориш — Даниил Евдокимов.

Жавоҳир Тошхўжаев, ЎзА