Христиан-демократик иттифоқдан Германия канцлери лавозимига номзод Фридрих Мерц НАТО ҳозирги кўринишда фаолиятини тўхтатиши, АҚШ эса альянс таркибидан чиқиши мумкинлиги ҳақида гапирди, деб ёзди “РИА Новости”.

– Дональд Трампнинг Зеленский ва Украина ҳақидаги баёнотидан кейин вазият ўзгараётгани ойдинлашди, – деган Мерц. – Атлантика океанида низо тобора чуқурлашмоқда. Ҳозир “НАТОнинг 70 йиллигини Германия Федератив Республикасида америкаликлар билан бирга, ҳеч қандай хавотирсиз нишонлай оламизми ёки йўқми? деган саволга жавоб топишимиз зарур. Ва энг асосийси, европаликлар ниҳоят ва қатъий равишда қитъа хавфсизлигини ўз қўлига олиши шартлигини англаши лозим.

23 февраль куни Германияда парламент сайлови бўлиб ўтади. “Die Welt” газетаси сиёсий гуруҳлар имкониятига ойдинлик киритиш мақсадида ўтказган сўров натижасига кўра, мухолифат – Христиан-демократик иттифоқ ва Христиан-ижтимоий иттифоқ (ХДИ/ХИИ блоги) биргаликда 30 фоиз атрофида овоз олиб ғалаба қозониши тахмин қилинмоқда. Ўта ўнг қанот “Германия учун муқобил йўл” партияси 20 фоиз натижа билан сўровда иккинчи ўринни эгаллаган. Амалдаги Канцлер Олаф Шольц раҳбарлигидаги Социал-демократлар (СДП), “Яшиллар” ва “Сўл партия” эса нисбатан кам қўллаб-қуватланиши кутилмоқда.