Бугун Хитойда футбол бўйича U20 ёш тоифасида Осиё кубоги гуруҳ босқичининг сўнгги ўйинлари бўлиб ўтди. “D” гуруҳидан ўрин олган Жанубий Корея – Япония ўртасидаги баҳс 1:1, Сурия – Таиланд терма жамоалари қарама-қаршилигидаги учрашувда эса 2:2 ҳисоби қайд этилди.

Учрашувларнинг бундай ҳисобда якунланиши ортидан Ўзбекистон терма жамоаси 23 февраль куни ўтадиган чорак финалда Жанубий Кореяга қарши майдонга тушиши маълум бўлди.

Шунингдек, чорак финалда Саудия Арабистони – Хитой (22 февраль), Австралия – Ироқ (22 февраль), Эрон – Япония (23 февраль) куч синашадиган бўлди.

U20 Осиё кубогининг финал баҳси 2 март куни ташкил этилади.

Т.Рўзиев, ЎзА