АҚШ Президенти Дональд Трамп Украинада сайлов ўтказилиши зарурлигини айтди, деб ёзди “New York Post” нашри.

Унинг айтишича, Зеленский 2019 йил сайланган ва тегишли сўров Украина етакчиси 50 фоиздан сал кўпроқ қўлланганини кўрсатганига қарамай, амалда 4 фоиз маъқуллаш рейтингига эга.

Аввал 2024 йил апрелга белгиланган президентлик сайлови 2022 йил февралдан буён мамлакат ҳарбий ҳолатда эканлиги боис ўтказилмади. 2023 йил Зеленский мамлакат мудофаага эътибор қаратиши керак бўлган бир пайтда сайлов “сиёсий бўлиниш”га олиб келишини айтди.

Хабарда қайд этилишича, ўтган ҳафта Владимир Путин билан телефон орқали мулоқот қилгандан сўнг Трампнинг Украина Президентига нисбатан сиёсий муносабати ўзгарган. Хусусан, Америка раҳбари Қўшма Штатлар бутун уруш давомида Украинага ажратган маблағдан нотўғри фойдаланилгани ҳақида ҳам гапирган.

– Берилган шунча пул қаерда, қаёққа кетяпти? – деган Трамп. – Мен ҳеч қачон бу ҳақдаги ҳисоботни кўрмаганман. Юзлаб миллиард доллар беряпмиз. Шунинг учун тинчликни кўрмоқчимиз. Ҳали суҳбатлашиш даражасида эмасмиз, лекин вазият ўнгланмас экан, масалани муҳокама қилиш керак, албатта. Жараённи биз бошламадик. Шунчаки, мулоқотни бошлаш тўғрисида келишув бор эди.

АҚШ Президенти, шунингдек, Украина Россия билан урушни “бошлаган давлат” эканини ҳам таъкидлаган.

Г.Сатторова, ЎзА