Тошкент шаҳрида жойлашган «Пахтакор» ва «Ёшлик» қиличбозлик залларида U17 ёш тоифасидаги йигит ва қизлар ўртасида қиличбозлик бўйича Ўзбекистон чемпионати давом этмоқда.

Ўзбекистон Спорт вазирлиги, Қиличбозлик федерацияси ва бир қатор ташкилотлар томонидан ўтказилаётган мамлакат чемпионатида сабля йўналиши бўйича ғолиб ва совриндорлар аниқланди.

Сабля йўналишининг яккалик баҳсларида Нурхият Калниязова ҳамда Бекзод Тажадинов олтин медалга сазовор бўлди. Жамоавий беллашувларда қорақалпоғистонлик ўғил ва қизлар тенгсиз бўлди.

Маълумот ўрнида: 6 февраль кунига қадар давом этадиган мазкур чемпионатда қиличбозликнинг шпага ва рапира бўйича баҳслари ҳам ўтказилади.

Жавоҳир Тошхўжаев, ЎзА