Бокс бўйича икки карра Олимпия ўйинлари ғолиби, профессионал бокснинг супероғир вазнида жанг олиб бораётган ҳамюртимиз Баҳодир Жалолов 2016 йили Рио Олимпиадасида рўбарў келган британиялик Жо Жойс билан жанг ўтказиш нияти борлигини билдирди.

Бундан 9 йил муқаддам Бразилияда ўтказилган Олимпия ўйинларида ёш Жалолов Жо Жойс билан чорак финалда жанг ўтказиб, очколар ҳисобида имкониятни бой берганди.

Айни пайтда АҚШда навбатдаги жангига ҳозирлик кўраётган Баҳодир Жалолов Жойс билан жанг ўтказишдан хурсанд бўлишини, унчага профессионал боксда 1-2 та баҳсларда қатнашиб олиши кераклигини айтиб ўтди.

Эслатиб ўтамиз, ўзбек спортининг фахри Баҳодир Жалолов 6 февраль куни Канаданинг Монреаль шаҳрида ўтадиган бокс оқшомида франциялик Девид Спилмонт билан куч синашади.

Т.Рўзиев, ЎзА