Америка Қўшма Штатлари шу ҳафта аввал Исроилда сақланган “Patriot” ҳаво мудофаа тизими учун мўлжалланган 90 га яқин тутиб олувчи ракетани Украинага жўнатди. Бу ҳақда “Ахиос” амалиётдан хабардор манбаларга таяниб ёзган.

Қурилмалар айни пайт Польшага етказилган, энди Украинага ўтказилиши кутиляпти. Бу 2022 йил можаро бошлангандан бери Исроилдан Киевга етказилган энг йирик қурол тўпламидир.

Портал маълумотига кўра, Исроил ҳарбий-ҳаво кучлари ўз ҳаво ҳужумидан мудофаа тизимини ривожлантириш асносида 2024 йил апрелда эскирган, дея баҳоланган “Patriot” тизимини фойдаланишдан чиқарган.

Украина ҳукумати ракеталарни модернизация қилиш ва кейин Киевга топшириш учун АҚШга қайтаришни таклиф қилган. Исроил эса Россиянинг бу ишга эҳтимолий салбий муносабатидан хавфсираб, қарорни кечиктирган.

Фақат сентябрь ойига келиб, Бош вазир Биньямин Нетаньяху ташаббусни маъқуллаган. Исроил, шунингдек, Москвага гап қуролларни тўғридан-тўғри Украинага етказиб бериш эмас, балки АҚШга қайтариш ҳақида бораётганини эслатган.