Душанба куни Бирлашган Қироллик ҳукумати веб-сайтида эълон қилинган ҳужжатга кўра, Буюк Британия Беларусь Марказий сайлов комиссияси раҳбари Игор Карпенко ва яна беш кишига нисбатан санкция жорий қилди.

– Ушбу давлат ҳуқуқ-тартибот тизимининг бир неча вакили ҳам Лондон чеклови остида қолди, – дейилган хабарда.

Таъкидланишича, ушбу шахсларнинг мамлакатда инсон ҳуқуқи бузилишига алоқадорлиги даъво қилинган.

Бунга жавобан, МСК раҳбари Буюк Британияни Беларуснинг ички ишларига дахл қилмасликка чақириб, унинг жумладан сайлов жараёнига аралашиш ҳуқуқи йўқлигини эслатди.