Пойтахтимизда жойлашган Республика Олимпия ва Паралимпия спорт турларига тайёрлаш марказининг бокс залида катталар ўртасида ўтаётган бокс бўйича Ўзбекистон чемпионати ўзининг қизғин палласига кирди.

Жумладан, бугун мазкур чемпионатнинг аёллар йўналишида ярим финал жанглари бўлиб ўтади. Унда 12 та вазн тоифасида жами 24 та жуфтликлар ўртасида беллашувлар ўтказилади.

Ярим финал босқичида ғолиб бўлган чарм қўлқоп усталари, мусобақанинг сўнгги ҳал қилувчи финалига чиқади.

Эслатиб ўтамиз, Ўзбекистон чемпионатининг эркаклар ўртасидаги ярим финал ва иккала тоифадаги финал баҳслари 27-28 январь кунлари “Zoʻr TV” телеканалининг “Renessans Hall” биносида ўтказилади.

Жавоҳир Тошхўжаев, ЎзА