Жиззах шаҳридаги «Киберспорт аренаси»да қиличбозлик бўйича U13 ёш тоифасидаги ўғил ва қизлар ўртасида ўтказилаётган Ўзбекистон чемпионатининг сабля йўналишида ғолиб ва совриндорлар аниқланди.

Мусобақанинг ўғил болалар беллашувларида Диёрбек Максетов финал баҳсида ғалаба қозониб, мамлакат чемпионига айланди. Ушбу тоифада Аслан Уманов ва Атабек Эмбергенов бронза медалига лойиқ кўрилди.

Қизлар баҳсида пойтахт жамоасининг икки вакиласи – София Макарова ҳамда Лола Мирзаева шоҳсупанинг биринчи ва иккинчи ўрнидан жой олган бўлса, Перизат Мавленбергенова ва Паризод Туротова кучли учликни якунлади.

Мусобақа ғолиб ва совриндорлари ташкилотчилар томонидан медаль, диплом ва эсдалик совғалари билан тақдирланди.

Жавоҳир Тошхўжаев,

ЎзА