Лос-Анжелес округида Хьюз ўрмон ёнғини туфайли 31 000 га яқин киши мажбурий кўчирилиши ҳақида хабар олди, дея хабар бермоқда “CBS News” расмийларга таяниб.

– Шериф Роберт Луна округнинг 31 минг аҳолисига нисбатан мажбурий эвакуациядан огоҳ қилинган, яна 23 минг киши кўчирилиши мумкинлиги таъкидланган, – дейилади материалда.

Калифорния ўрмон хўжалиги ва ёнғиндан ҳимоя қилиш департаменти олов қоплаган ҳудуд 9200 акр (37 квадрат/километр)га етганини маълум қилди. Аввалроқ Хьюз ёнғинида 20 квадрат/километрдан кўпроқ майдон ёниб кетгани айтилганди.

Эслатиб ўтамиз, 7 январь куни Лос-Анжелес округида бошланган офат штат тарихидаги энг йирик ёнғин ҳисобланади. Расмий маълумотга кўра, ўт олган умумий майдон 16 000 гектардан ошиб, фожиа таъсирида 25 киши ҳалок бўлди. Метеорологлар қайд этишича, қуруқ ҳаво ва шамол олов тез тарқалишига сабаб бўлган.