Apple кетма-кет иккинчи йил дунёнинг энг қиммат брендига айланди. Бу ҳақда Бранд Финанcэ Глобал 500 рўйхатида элон қилинди

Apple брендининг қиймати бир йил ичида 11 фоизга — 574,5 миллиард долларгача қимматлашган.

Рейтингда иккинчи ўринни 35 фоизлик ўсиш билан яна Microsoft эгаллади. Ундан кейинги поғоналарни Google ҳамда Amazon банд этган.

Дунёнинг энг қиммат брендлари қаторидан Samsung , TikTok, Facebook, Нвидиа ўрин олган. Таъкидланишича, Нвидиа бренди қиймати бир йил ичида қарийб икки бараварга кўтарилган.

Европадаги энг қиммат бренд дея Деутсче Телеcом тан олинган — у 85,3 миллиард долларлик кўрсаткич билан умумий рейтингда 11-поғонани банд этган. Япон брендларига Тоёта етакчилик қилган — умумий рўйхатда 18-ўрин.

Топ-500 рўйхатдан Американинг 193 та бренди, Хитойнинг — 69 та, Германиянинг — 27 та бренди ўрин олган. Дунёдаги энг қиммат 500 та бренднинг умумий қиймати ўтган йилда 10 фоизга, қарийб 9,5 триллион долларгача ошган.

Мадинабону Насриева, ЎзА