Вақтинчалик лавозимидан четлатилган Жанубий Корея президенти Юн Сoк Ёль импичмент бўйича судда биринчи марта қатнашди ва у ҳарбий ҳолат жорий этишга уриниш пайтидаги айбловларни рад этди, деб ёзмоқда “BBC” нашри.

Мамлакат парламенти ўтган ой Юнни импичмент қилиш учун овоз берди ва ўтган ҳафта Конституциявий суд уни лавозимидан бутунлай четлатиш тўғрисида қарор қабул қилиш учун суд жараёнини бошлади.

Юн Сoк Ёль шунингдек, қўзғолонга алоқадорлик юзасидан алоҳида жиноий терговга тортилди. У ўтган ҳафтадан бери ҳибсда сақланмоқда.

Полиция унинг юзлаб тарафдорларини яқинлаштирмаслик учун ғалаёнларга қарши баррикадаларни ўрнатди.

– Мен либерал демократияга қатъий ишонч билан амал қилиб яшаган одамман, – деди Юн суддаги нутқида. – Конституциявий суд конституцияни ҳимоя қилиш учун мавжуд экан, мен сиздан ушбу ишнинг барча жиҳатларини чуқур ўрганишингизни сўрайман.

Мусулмон Зиё, ЎзА