Италиянинг Милан шаҳрида медиа-футбол бўйича давом этаётган “Kings League-2025” жаҳон кубогида мамлакатимизнинг «Unwanted boys» жамоаси чорак финалга йўл олди.
Аниқроқ айтадиган бўлсак, «Unwanted boys» медиа-жамоаси мусобақанинг плей-офф босқичида Перу термасига қарши ўйин ўтказди ва 5:4 ҳисобида ғалаба қозонди. Шу тариқа 1/4 финал босқичига йўл олган жамоамиз энди ярим финал йўлланмаси учун Колумбияга қарши майдонга тушади. Мазкур баҳс бугун, 8 январь куни ўтказилади.
Эслатиб ўтамиз, Ўзбекистон медиа-футбол жамоаси мусобақа доирасида дастлаб Саудия Арабистонини мағлуб этган бўлса, АҚШ термасига имкониятни бой берди.
Жавоҳир Тошхўжаев, ЎзА