АҚШ Конгресси республикачи Дональд Трампнинг президентлик сайловида ғалаба қозонганини расман маъқуллади. Бу ҳақда қонунчилар қўшма йиғилишида маълум қилинди.
Хабар қилинганидек, 5 ноябрь куни бўлиб ўтган сайловда 312 сайловчи овозини қўлга киритган Трампга жами 77,3 миллион киши овоз берган. Мағлубиятга учраган демократ Камала Харрис эса 226 сайловчи қўллови ва 75 миллион овозга эга бўлди.
Навбатдаги инаугурация маросими 20 январь куни бўлиб ўтади. АҚШнинг 45 ва 47-президенти сифатида тарихда қоладиган Трамп мамлакатда XIX асрдан бери тўрт йиллик танаффусдан сўнг Оқ уйга қайтган илк сиёсатчидир.