Баҳрайн пойтахти Манама шаҳрида оғир атлетика бўйича катталар ўртасидаги жаҳон чемпионати ўз ниҳоясига етди.

Муросасиз ва шиддатли кечган дунё биринчилиги якунларига кўра, Ўзбекистон терма жамоаси 3 та олтин, 1 та кумуш ҳамда 2 та бронза, жами 6 та медалга эга чиққан ҳолда 70 га яқин мамлакатларнинг миллий терма жамоалари орасида умумжамоа ҳисобида Қозоғистон терма жамоаси билан биргаликда кучли учликдан жой эгаллади.

Айтиш лозим, Манамадаги жаҳон чемпионатида -89 килограммда Сарварбек Зафаржонов даст кўтаришда бронза медал, -81 килограммда Муҳаммадқодир Тоштемиров даст кўтаришда бронза ва икки курашда кумуш, -109 килограммда Руслан Нуриддинов силтаб кўтариш ва икки курашда, Шарофиддин Амриддинов даст кўтаришда олтин медалларга сазовор бўлди.

Медаллар жамғариш борасида 1-ўринни Шимолий Корея, 2-ўринни Хитой терма жамоаси банд этди.

Т.Рўзиев, ЎзА