Ўзбекистон футбол ассоциацияси мамлакатимизнинг 2024 йилдаги энг яхши футболчиси бўлишга кимлар муносиб эканини аниқлаш учун мутахассис ва экспертлар фикри ҳамда ўтаётган мавсумда футболчиларнинг самарали фаолиятидан келиб чиқиб номзодларнинг якуний учлигини эълон қилди.
Ушбу рўйхатдан миллий терма жамоамизнинг энг сермаҳсул аъзолари – Аббосбек Файзуллаев, Ўткир Юсупов ва Абдуқодир Ҳусанов жой олди.
Жорий йилнинг 14 декабрь куни Ўзбекистон футбол ассоциациясининг навбатдаги ҳисобот конгрессида бир қатор масалалар кўриб чиқилиши билан бирга, йилнинг энг яхши футболчиси каби бир қатор номинация ғолиблари аниқланади ва тақдирланади.
Т.Рўзиев,
ЎзА