O‘zbekiston futbol assotsiatsiyasi mamlakatimizning 2024 yildagi eng yaxshi futbolchisi bo‘lishga kimlar munosib ekanini aniqlash uchun mutaxassis va ekspertlar fikri hamda o‘tayotgan mavsumda futbolchilarning samarali faoliyatidan kelib chiqib nomzodlarning yakuniy uchligini e’lon qildi.
Ushbu ro‘yxatdan milliy terma jamoamizning eng sermahsul a’zolari – Abbosbek Fayzullayev, O‘tkir Yusupov va Abduqodir Husanov joy oldi.
Joriy yilning 14 dekabr kuni O‘zbekiston futbol assotsiatsiyasining navbatdagi hisobot kongressida bir qator masalalar ko‘rib chiqilishi bilan birga, yilning eng yaxshi futbolchisi kabi bir qator nominatsiya g‘oliblari aniqlanadi va taqdirlanadi.
T.Ro‘ziyev,
O‘zA