Қўшма Штатлар Конгресси вакиллар палатаси аъзолари 2025 йил учун (1 октябрдан бошланган) мудофаа бюджети лойиҳасини 884 миллиард доллар миқдорида маъқуллади. Овоз бериш жараёни “C-Span” телеканали орқали жонли намойиш қилиб борилди.

Ҳужжат Ҳинд-Тинч океани минтақасида АҚШ мавқеини кучайтириш, ҳарбийларнинг маошларини ошириш, еттита янги кема қуриш ва мамлакат мудофаа саноати базасини мустаҳкамлаш бўйича чора-тадбирларни ўз ичига олади.

Вакиллар палатаси спикери Майк Жонсоннинг таъкидлашича, бюджет пуллари Американинг бутун дунё бўйлаб манфаатларини ҳимоя қилишдаги асосий миссиясига йўналтирилади.