Qo‘shma Shtatlar Kongressi vakillar palatasi a’zolari 2025 yil uchun (1 oktyabrdan boshlangan) mudofaa byudjeti loyihasini 884 milliard dollar miqdorida ma’qulladi. Ovoz berish jarayoni “C-Span” telekanali orqali jonli namoyish qilib borildi.

Hujjat Hind-Tinch okeani mintaqasida AQSH mavqeini kuchaytirish, harbiylarning maoshlarini oshirish, yettita yangi kema qurish va mamlakat mudofaa sanoati bazasini mustahkamlash bo‘yicha chora-tadbirlarni o‘z ichiga oladi.

Vakillar palatasi spikeri Mayk Jonsonning ta’kidlashicha, byudjet pullari Amerikaning butun dunyo bo‘ylab manfaatlarini himoya qilishdagi asosiy missiyasiga yo‘naltiriladi.