Бугун, 10 декабрь куни Таиланднинг Чиангмай шаҳрида ўтаётган бокс бўйича катталар ўртасидаги Осиё чемпионатининг аёллар йўналишида ғолиб ва совриндорлари аниқланади.

Қувонарлиси, ушбу кун давомида Ўзбекистон аёллар бокс терма жамоасининг 7 нафар вакили Осиё чемпионати финалида рингга кўтарилади. Жанглар Тошкент вақти билан соат 12:00 да бошланади.

Боксчиларимизнинг финалдаги рақиблари билан танишинг:

-48 кг: Фарзона Фозилова – Линҳ Чи Нго (Вьетнам) 12:00,

-52 кг: Феруза Казакова – Свитлана Уманска (Украина) 12:30,

-54 кг: Азиза Ёқубова – Натнича Чонгпронгкланг (Таиланд) 12:45

-57 кг: Нигина Ўктамова – Пунраве Руенрос (Таиланд) 13:00,

-66 кг: Навбаҳор Ҳамидова – Ҳуипинг Юан (Хитой) 13:45,

-75 кг: Азиза Зокирова – Лина Ванг (Хитой) 14:15,

+81 кг: Олтиной Сотимбоева – Елдана Талипова (Қозоғистон) 14:45.

Жавоҳир Тошхўжаев,

ЎзА