Футбол бўйича Осиё чемпионлар лигаси 2-мусобақасининг ғарбий минтақасида бешинчи тур учрашувлари ўтказилмоқда.
Мазкур мусобақанинг “D” гуруҳида “Насаф” клуби бугун соат 19:00 да Қарши шаҳридаги “Марказий” стадионида “Кувайт СК” жамоасини қабул қилади. Учрашувда «Насаф» тўлиқ қизил рангли спорт формасида майдонга тушади.
Шунингдек, бугун гуруҳдаги иккинчи учрашувда “Ал-Ҳусайн“ – “Шабаб Ал-Аҳли” жамоалари ўзаро рақобатлашади. Баҳс “AMMAN INTERNATIONAL” стадионида мамлакатимиз вақти билан соат 21:00 да бошланади.
Маълумот ўрнида: “D” гуруҳида “Ал-Ҳусайн“ 9, “Шабаб Ал-Аҳли” эса 7 очко билан 1-2 ўринлардан жой олган бўлса, “Насаф” 4 очко жамғариб, учинчи поғонада бормоқда. “Кувайт СК” эса беш ўйинда бор-йўғи 2 очко тўплаб, сўнгги ўринда қолмоқда.
Жавоҳир Тошхўжаев,
ЎзА