ФОТОРЕПОРТАЖ

Нукус шаҳридаги “Истиқлол” болалар дам олиш марказида жойлашган спорт мактабида мактабгача таълим ташкилотлари тарбияланувчилари ўртасида “Гимнастикага биринчи қадам” шиори остида спорт фестивали ўтказилди.

Фестивалда Қорақалпоғистон Республикасининг шаҳар ва туманларидаги мактабгача таълим ташкилотларининг 130 нафардан зиёд тарбияланувчисидан таркиб топган жамоалар ўзаро баҳс олиб борди.

Тадбир якунида Қўнғирот туманидаги 25-мактабгача таълим ташкилотининг гимнастика тўгарагига аъзо бўлган тарбияланувчилари биринчи, Мўйноқ туманидаги 10-мактабгача таълим ташкилоти жажжи гимнастикачилари иккинчи ва Тахтакўпир туманидаги 2-мактабгача таълим ташкилоти жамоаси учинчи ўринни эгаллади.

Ғолиб жамоаларга Қорақалпоғистон Республикаси Мактабгача ва мактаб таълими вазирлиги томонидан тайёрланган кубок, диплом ва эсдалик совғалари топширилди.  Шунингдек, спорт фестивалининг фаол иштирокчилари муносиб тақдирланди.

Мақсад ҲАБИБУЛЛАЕВ(сурат),ЎзА