FOTOREPORTAJ
Nukus shahridagi “Istiqlol” bolalar dam olish markazida joylashgan sport maktabida maktabgacha ta’lim tashkilotlari tarbiyalanuvchilari o‘rtasida “Gimnastikaga birinchi qadam” shiori ostida sport festivali o‘tkazildi.
Festivalda Qoraqalpog‘iston Respublikasining shahar va tumanlaridagi maktabgacha ta’lim tashkilotlarining 130 nafardan ziyod tarbiyalanuvchisidan tarkib topgan jamoalar o‘zaro bahs olib bordi.
Tadbir yakunida Qo‘ng‘irot tumanidagi 25-maktabgacha ta’lim tashkilotining gimnastika to‘garagiga a’zo bo‘lgan tarbiyalanuvchilari birinchi, Mo‘ynoq tumanidagi 10-maktabgacha ta’lim tashkiloti jajji gimnastikachilari ikkinchi va Taxtako‘pir tumanidagi 2-maktabgacha ta’lim tashkiloti jamoasi uchinchi o‘rinni egalladi.
G‘olib jamoalarga Qoraqalpog‘iston Respublikasi Maktabgacha va maktab ta’limi vazirligi tomonidan tayyorlangan kubok, diplom va esdalik sovg‘alari topshirildi. Shuningdek, sport festivalining faol ishtirokchilari munosib taqdirlandi.
Maqsad HABIBULLAEV(surat),O‘zA