Мамлакатимизда Олий Мажлис Қонунчилик палатаси ва маҳаллий Кенгашлар депутатлари сайлови бўлиб ўтмоқда.

Сайлов жараёнини халқаро кузатувчилар, хорижий оммавий ахборот воситалари вакиллари бевосита кузатиб бормоқда.

Саудия Арабистони Ахборот ва араб-рус тадқиқотлари маркази раиси, сиёсатшунослик фанлари доктори Мажид Ал-Туркий ўз фикрларини билдирди.

–  Тўртинчи сайлов участкасига келиб, аҳолининг овоз бериш жараёнларини кузатдим, – деди М.Ал-Туркий. – Сайлов юқори савияда, қонун доирасида ташкил этилган. Сайловчиларнинг эркин овоз бериши учун барча шароитлар таъминлаб берилган. Рўйхатдан ўтиш, кабиналарда бюллетенларга белги қўйиш ва уларни сайлов қутисига ташлаш – халқаро сайлов стандартларига тўлиқ жавоб беради. Муҳими, халқ ўз хоҳиш-иродасини эркин билдирмоқда.

Н.Абдураимова,  

Н.Ҳайдаров (сурат),  

ЎзА