Mamlakatimizda Oliy Majlis Qonunchilik palatasi va mahalliy Kengashlar deputatlari saylovi bo‘lib o‘tmoqda.

Saylov jarayonini xalqaro kuzatuvchilar, xorijiy ommaviy axborot vositalari vakillari bevosita kuzatib bormoqda.

Saudiya Arabistoni Axborot va arab-rus tadqiqotlari markazi raisi, siyosatshunoslik fanlari doktori Majid Al-Turkiy o‘z fikrlarini bildirdi.

–  To‘rtinchi saylov uchastkasiga kelib, aholining ovoz berish jarayonlarini kuzatdim, – dedi M.Al-Turkiy. – Saylov yuqori saviyada, qonun doirasida tashkil etilgan. Saylovchilarning erkin ovoz berishi uchun barcha sharoitlar ta’minlab berilgan. Ro‘yxatdan o‘tish, kabinalarda byulletenlarga belgi qo‘yish va ularni saylov qutisiga tashlash – xalqaro saylov standartlariga to‘liq javob beradi. Muhimi, xalq o‘z xohish-irodasini erkin bildirmoqda.

N.Abduraimova,  

N.Haydarov (surat),  

O‘zA