Пойтахтимиздаги «Universal Horses Stables» от спорти клубида «JUMPING WORLD CHALLENGE FINAL TASHKENT-2024» мусобақаларининг финал босқичи бўлиб ўтди.
Сайёрамизнинг 10 та минтақавий ҳудуд босқичида ғалаба қозонган 20 нафар чавандоз тўсиқлардан сакраб ўтишда ўз маҳоратини намойиш этди.
Бугун мусобақанинг сўнгги кунида финал босқичи бўлиб ўтди.«Челленжер» турнирининг финал баҳслари жуда қизғин, ҳаяжонли ўтди. Барча тўсиқлардан бехато ўтган чавандозимиз Мирзоҳид Мусаев «Челенжер» жаҳон турнирининг ғолиби бўлди.
Финал баҳслари тугагач, турнир ғолиб ва совриндорларини тақдирлаш маросими бўлиб ўтди.
Муҳаммад АМИН (сурат), ЎзА