Poytaxtimizdagi «Universal Horses Stables» ot sporti klubida «JUMPING WORLD CHALLENGE FINAL TASHKENT-2024» musobaqalarining final bosqichi bo‘lib o‘tdi.
Sayyoramizning 10 ta mintaqaviy hudud bosqichida g‘alaba qozongan 20 nafar chavandoz to‘siqlardan sakrab o‘tishda o‘z mahoratini namoyish etdi.
Bugun musobaqaning so‘nggi kunida final bosqichi bo‘lib o‘tdi.«Chellenjer» turnirining final bahslari juda qizg‘in, hayajonli o‘tdi. Barcha to‘siqlardan bexato o‘tgan chavandozimiz Mirzohid Musayev «Chelenjer» jahon turnirining g‘olibi bo‘ldi.
Final bahslari tugagach, turnir g‘olib va sovrindorlarini taqdirlash marosimi bo‘lib o‘tdi.
Muhammad AMIN (surat), O‘zA