ФОТОРЕПОРТАЖ
Қорақалпоғистон Республикасида “Ишбилармон қизлар” бизнес марафони ўтказилди.
Марафон доирасида Ажиниёз номидаги Нукус давлат педагогика институтида бир нечта бизнес лойиҳа асосчиси, таниқли тадбиркор Мафтуна Араббаевна иштирокида амалий семинар ташкил этилди. Унда кичик бизнес ва хусусий тадбиркорлик соҳасига қизиқувчи аёллар ва талаба қизлар иштирок этди.
Мафтуна Араббаевна иштирокчиларга ўзининг тадбиркорлик соҳасидаги дастлабки фаолияти, бу йўлда дуч келган қийинчиликлар ҳамда давлатимиз томонидан яратиб берилган имкониятлар туфайли эришган муваффақиятлари хусусида батафсил сўзлаб берди. Марафон қатнашчиларини қизиқтирган барча саволларига жавоб қайтарди.
Мақсад ҲАБИБУЛЛАЕВ (сурат), ЎзА