FOTOREPORTAJ
Qoraqalpog‘iston Respublikasida “Ishbilarmon qizlar” biznes marafoni o‘tkazildi.
Marafon doirasida Ajiniyoz nomidagi Nukus davlat pedagogika institutida bir nechta biznes loyiha asoschisi, taniqli tadbirkor Maftuna Arabbayevna ishtirokida amaliy seminar tashkil etildi. Unda kichik biznes va xususiy tadbirkorlik sohasiga qiziquvchi ayollar va talaba qizlar ishtirok etdi.
Maftuna Arabbayevna ishtirokchilarga o‘zining tadbirkorlik sohasidagi dastlabki faoliyati, bu yo‘lda duch kelgan qiyinchiliklar hamda davlatimiz tomonidan yaratib berilgan imkoniyatlar tufayli erishgan muvaffaqiyatlari xususida batafsil so‘zlab berdi. Marafon qatnashchilarini qiziqtirgan barcha savollariga javob qaytardi.
Maqsad HABIBULLAEV (surat), O‘zA