Жорий йилнинг 25-29 сентябрь кунлари Жанубий Кореянинг Чхонан шаҳрида “Cheonan world dance festival – 2024” бутунжаҳон фестивали ўтказилади.
Унда дунё халқларининг миллий ва замонавий раққослари, шунингдек, фольклор ва миллий эстрада хонандалари иштирок этади. Шулар қаторида, ушбу фестивалда “Айқулаш” Қорақалпоқ давлат миллий ансамбли, фольклор ижрочилари ҳамда миллий эстрада хонандалари ҳам қатнашади.
Маълумот ўрнида, “Cheonan world dance festival” 2003 йилдан буён ўтказилиб, 2020 йилда Жанубий Кореянинг нуфузли маданият ва туризм фестивали сифатида тан олинган. 2023 йилда ушбу фестивалда бутун дунёдан 870 минг нафар санъат вакили иштирок этган.
Довуд Абибуллаев, ЎзА мухбири.