Joriy yilning 25-29 sentyabr kunlari Janubiy Koreyaning Chxonan shahrida “Cheonan world dance festival – 2024” butunjahon festivali o‘tkaziladi.
Unda dunyo xalqlarining milliy va zamonaviy raqqoslari, shuningdek, folklor va milliy estrada xonandalari ishtirok etadi. Shular qatorida, ushbu festivalda “Ayqulash” Qoraqalpoq davlat milliy ansambli, folklor ijrochilari hamda milliy estrada xonandalari ham qatnashadi.
Ma’lumot o‘rnida, “Cheonan world dance festival” 2003 yildan buyon o‘tkazilib, 2020 yilda Janubiy Koreyaning nufuzli madaniyat va turizm festivali sifatida tan olingan. 2023 yilda ushbu festivalda butun dunyodan 870 ming nafar san’at vakili ishtirok etgan.
Dovud Abibullayev, O‘zA muxbiri.