“Microsoft” сўнгги икки ой давомида Демократик партиядан президентликка номзод Камала Харрис ҳақида сохта хабар тарқатиш бўйича Россиянинг саъй-ҳаракати аниқлаганини маълум қилди. Табиийки, Москва ушбу даъвони аввал қатъиян рад этиб келган.

– Август ва сентябрь ойларида MTAC (таҳдидни таҳлил қилиш маркази) томонидан кузатиб борилган “Storm-1516” ва “Storm-1679” номи билан танилган икки россиялик субъектни аниқладик, – дейилган компаниянинг янги ҳисоботида. – Улар Харрисни обрўсизлантириш ва унинг кампанияси атрофида баҳс-мунозара қўзғаш учун мўлжалланган видео материалдан фойдаланган.

Лавҳалардан бирида Харрис тарафдорлари томонидан Дональд Трамп митинги иштирокчисига қилинган ҳужум акс этган. Бошқа тасвирда актёр Харрис автомобиль ҳалокати содир этгани ва воқеа жойидан қочиб кетгани ҳақида даъво қилган.

“Microsoft” АҚШ сайловига таъсир кўрсатиш учун сохта тасвир яратиш айблови туфайли санкцияга учраган “Диалог” нотижорат ташкилотига тегишли 20 дан ортиқ электрон почта манзилига тақиқ қўйилганини таъкидлаган.

Россия ушбу айбловларга жавобан, АҚШ ички сиёсий жараёнига аралашмагани ва аралашмаслигини такрорлаб келади. Бундай таъкидни РФ Президенти матбуот котиби Дмитрий Песков ҳам билдирган.