Адлия вазирлиги Бутунжаҳон интеллектуал мулк ташкилоти билан фаол ҳамкорлик қилмоқда.

Ҳамкорлик доирасида маҳаллий тадбиркорлик субъектларининг интеллектуал мулк объектларидан фойдаланиш бўйича билим ва кўникмаси ошириб борилмоқда.

Шу мақсадда Бутунжаҳон интеллектуал мулк ташкилотининг «Ғояларни тижоратлаштириш» ўқув қўлланмаси ўзбек тилига таржима қилинди ҳамда миллий интеллектуал мулк тизимига мослаштирилди.

Ўқув қўлланмада интеллектуал мулкнинг бизнесда тутган ўрни, улардан фойдаланишнинг инновацион усуллари ўрин олган.

Товар белгиси, географик кўрсаткич, тижорат сири ва бошқа интеллектуал мулк объектлари тушунчаси, шунингдек, ўз товар ва ёки хизматларини брендга айлантирган маҳаллий тадбиркорлик субъектлари ҳақидаги «Case study»лар ҳам қўлланмада акс эттирилган.

Н.Абдураимова, ЎзА