Бугун, 7 август куни Францияда давом этаётган Олимпиадада 20 спорт тури бўйича беллашувлар бўлиб ўтади. Шундан 10 тасида ёзги Олимпия ўйинларининг ғолиб ва совриндорлари аниқланади.

Мамлакатимиз олимпиячилари бугунги дастурдан ўрин олган байдаркада эшкак эшиш, юнон-рум кураши, бокс баҳсларида юртимиз шарафини ҳимоя қилади.

Маҳоратли спортчиларимиз иштирок этадиган мусобақалар дастури билан танишинг:

12:30 дан сўнг. Байдаркада эшкак эшиш. Екатерина Шубина (500 м, саралаш).

13:40 дан сўнг. Байдаркада эшкак эшиш. Шаҳриёр Маҳкамов (1000 м, саралаш).

14:00. Юнон-рум кураши. Арам Варданян (77 кг, ўтиш баҳси ва бронза).

14:00. Юнон-рум кураши. Рустам Ассакалов (97 кг, ўтиш баҳси ва бронза).

01:00. Бокс. Баҳодир Жалолов — Нелви Раман Тиафак (Германия) (+92 кг, ярим финал).

Т.Рўзиев, ЎзА