Ўзбекистон Республикаси иқтисодиёт ва молия вазири ўринбосари Гулнора Раҳимова ҳамда Россия Федерацияси Қурилиш ва уй-жой коммунал хўжалиги вазири ўринбосари Сергей Музиченко бошчилигидаги делегация вакиллари ўртасида учрашув бўлиб ўтди.

Унда томонлар ушбу учрашув харидлар ва қурилиш соҳаларида ўзаро ҳамкорлик, тажриба алмашиш ва галдаги режаларни белгилашда муҳим аҳамият касб этишини таъкидлади.

Суҳбат чоғида Россия Федерациясининг харидлар ва қурилиш йўналишларида амалга оширилаётган ишларга эътибор қаратилиб, меҳмон томон бу борада ўз тажрибалари билан  ўртоқлашди.

Тадбир якунида томонлар икки давлат ўртасида ушбу йўналишларда алоқаларни мустаҳкамлаш, ҳамкорликда иш олиб бориш ва тажриба алмашиш учун янги истиқболларни белгилаб олиш муҳим эканини қайд этди.

Н.Зиёдуллаева, ЎзА