Самарқанд давлат ветеринария медицинаси, чорвачилик ва биотехнологиялар университети Нукус филиалида “Оқ йўл сизга, битирувчи!” шиори остида 2023-2024 ўқув йили битирувчиларига диплом топшириш маросими бўлиб ўтди.
Тадбирда филиал раҳбарияти, Қорақалпоғистон Республикаси Ветеринария ва чорвачиликни ривожлантириш қўмитаси вакиллари, профессор-ўқитувчилар ва ота-оналар иштирок этишди.
Тадбирда филиал директори, профессор Адилбай Есимбетов янги марралар сари қадам ташлаётган битирувчи ёшларни самимий қутлади. Шунингдек, байрам тадбирига ташриф буюрган ота-оналар фарзандларига билим ва тарбия берган профессор-ўқитувчиларга миннатдорлик билдирди.
Иштирокчилар иқтидорли ёшлар томонидан тайёрланган концерт дастуридан баҳраманд бўлди.
Довуд Абибуллаев,
ЎзА мухбири.