Қорақалпоғистон Республикаси Тўрткўл туманида комбайнларнинг ғалла ўрим-йиғим ишларига тайёргарлиги юзасидан кўргазмали семинар бўлиб ўтди.
Унда туман ҳокимлиги, агроинспекциянинг Қорақалпоғистон Республикаси бошқармаси вакиллари, корхона ва ташкилотлар масъул ходимлари, ғалла ўриш комбайнлари операторлари иштирок этди.
Жорий йилда 4 минг 520 гектар майдондаги ғалла ҳосилини ўриб-йиғиб олиш учун туманда 13 та отряд ташкил қилинди. Уларнинг кеча-кундуз ишлаши учун барча шароит яратилган. Семинарда комбайнларнинг тайёргарлик ҳолати якуний назорат қилинди ва вазифалар белгиланди.
Тадбир якунида ҳар бир комбайн операторига озиқ-овқат маҳсулотлари ҳамда 2 миллион сўмдан пул топширилди.
Ғалла ўрим-йиғим ишларига тайёргарлик юзасидан кўргазмали семинар Оролбўйининг барча туманларида бўлиб ўтмоқда.
Довуд Абибуллаев, ЎзА мухбири.