Бирлашган Араб Амирликларининг Абу-Даби шаҳрида жиу-житсу бўйича катталар ва U16, U18 ёш тоифаларида Осиё чемпионати бўлиб ўтди.
Мазкур чемпионатда қитъанинг 30 давлатидан келган 1 минг 500 га яқин спортчилар ғолиблик учун баҳслашди. Албатта, бу каби нуфузли мусобақаларда Ўзбекистон терма жамоаси иштирок этиши табиий. Шу жумладан, 97 нафар спортчимиз турли ёш тоифаларида ғолиблик даъвосида беллашувларда иштирок этди. Қувонарлиси, Ризо Сафаров ҳамда Ғайрат Набиев бошчилигидаги терма жамоамиз 8 олтин, 12 кумуш ва 22 бронза жами 40 та медални қўлга киритди.
Яна бир эътиборга молик жиҳати, илк бор катталар ўртасида «NeWaza» йўналишида ҳам медалга эга бўлдик. Аниқроғи, шу кунга қадар бу йўналишда ўзбекистонлик жиу-житсучилар катталар ўртасида совриндорлар қаторидан ўрин олмаган эди. Юртимизнинг энг кўзга кўринган жиу-житсучиси Сарварбек Раҳмонбердиев ушбу қора анъанага чек қўйди ва кумуш медалга эга чиқди.
Жавоҳир Тошхўжаев,
ЎзА