Ўзбекистон Республикаси Олий Мажлиси Сенати Раиси Танзила Норбоева Сингапур парламенти Спикери Сиа Киан Пенг бошчилигидаги делегацияни қабул қилди.
Делегация вакиллари икки мамлакат раҳбарларининг ташрифлари натижасида Ўзбекистон ва Сингапур ўртасидаги дўстона алоқалар янги босқичга кўтарилганини алоҳида эътироф этди.
Ўзаро мулоқотда парламентлар ўртасидаги ўзаро алоқалар, илм-фан ва таълим, савдо-иқтисодий ҳамда давлат бошқаруви ва юқори малакали кадрлар тайёрлаш масалалари, коррупцияга қарши курашиш борасидаги амалий ҳамкорлик алоқаларини мустаҳкамлашга эътибор қаратилди.
Парламентлараро фаол ҳамкорлик мамлакатларимиз ўртасидаги барча даражадаги муносабатларни ривожлантиришда муҳим механизмлардан бири экани қайд этилди.
Парламентлар қўмиталари ўртасида амалий ҳамкорликни йўлга қўйиш ва “дўстлик гуруҳлари” фаолиятини жадаллаштиришга келишиб олинди.
Н.Абдураимова, ЎзА