Жиззах шаҳрида қиличбозлик бўйича 23 ёшгача бўлган спортчилар ўртасида ўтказилган Ўзбекистон чемпионатининг шамшир бўйича жамоавий баҳсларда ғолиб ва совриндорлар номи аниқланди.

Мусобақанинг қизлар ўртасидаги жамоавий баҳсларида Жиззах жамоаси финалда Қорақалпоғистон-1 жамоасини енгиб, мусобақа ғолибига айланди. Ярим финал баҳсларида мағлубиятга учраган Тошкент-Миллий клуб ҳамда Қорақалпоғистон-2 жамоалари эса шоҳсупанинг учинчи поғонасидан жой олди.

Ўғил болалар ўртасида Қорақалпоғистон -1 ва 2 жамоалари олтин ҳамда кумуш медални қўлга киритган бўлса, Тошкент вилояти кумуш, Тошкент -1 жамоаси бронза медали билан тақдирланди.

Жавоҳир Тошхўжаев, ЎзA