Тошкент шаҳар ҳокимлигининг хабар беришича, 21 апрель куни пойтахтда BYD VI Тошкент халқаро марафони ва «Янги нафас» марафони бўлиб ўтади.
Шу муносабат билан бир қатор кўчаларда транспортлар ҳаракати чекланади.
Соат 4:30 дан 14:00 га қадар Афросиёб кўчаси – Ислом Каримов шоҳкўчаси чорраҳасидан Ойбек кўчасигача бўлган қисми, Ойбек кўчаси – Афросиёб кўчаси чорраҳасидан Нукус кўчасигача бўлган қисмида транспортлар ҳаракати чекланади.
Шунингдек, Нукус – Ойбек кўчалари чорраҳасидан Абдулла Қодирий кўчасигача бўлган қисми, Абдулла Қодирий кўчасининг бир қисми – Нукус кўчаси чорраҳасидан Қорасарой ва Зарқайнар кўчалари чорраҳасигача, Абдулла Қодирий кўчасининг бир қисми – Қорасарой ва Зарқайнар кўчалари кесишган жойидан Шаҳрисабз кўчаси чорраҳасигача транспортлар ҳаракати чекланади.
Бундан ташқари, Шаҳрисабз кўчасининг бир қисми – Абдулла Қодирий кўчаси чорраҳасидан Амир Темур шоҳкўчаси чорраҳасигача, Афросиёб кўчасининг Ойбек кўчаси билан кесишган қисмидан Шароф Рашидов шоҳкўчасигача бўлган қисми, Шароф Рашидов шоҳкўчаси – Афросиёб кўчаси чорраҳасидан Ислом Каримов шоҳкўчасигача, Ислом Каримов шоҳкўчаси ҳамда – Шароф Рашидов кўчаси чорраҳасидан Афросиёб кўчасигача транспортлар ҳаракати чекланади.
Ш.Маматуропова, ЎзА