Профессионал боксда муваффақиятли фаолият кўрсатаётган ҳамюртимиз Бектемир Мелиқўзиев Нью-Йорк шаҳрида 20 апрель куни ўзининг навбатдаги жангини ўтказади.
Мазкур жангда у ўзига тегишли «WBA Inter-Continental» камарини франциялик Пьер Хубер Дибомбедан ҳимоя қилади. Жанг дунёнинг машҳур «DAZN» платформаси орқали трансляция қилинади.
Эслатиб ўтамиз, Бектемир Мелиқўзиев бугунга қадар профессионал рингда 14 та жанг ўтказиб, уларнинг 13 тасида ғалаба қозонган ва битта мағлубият аламини тотган. Унинг рақиби Пьер Хубер эса 23 та жангнинг фақатгина 1 тасида енгилган.
Жавоҳир Тошхўжаев, ЎзА