Professional boksda muvaffaqiyatli faoliyat ko‘rsatayotgan hamyurtimiz Bektemir Meliqo‘ziyev Nyu-York shahrida 20-aprel kuni o‘zining navbatdagi jangini o‘tkazadi.

Mazkur jangda u o‘ziga tegishli «WBA Inter-Continental» kamarini fransiyalik Per Xuber Dibombedan himoya qiladi. Jang dunyoning mashhur «DAZN» platformasi orqali translyatsiya qilinadi.

Eslatib o‘tamiz, Bektemir Meliqo‘ziyev bugunga qadar professional ringda 14 ta jang o‘tkazib, ularning 13 tasida g‘alaba qozongan va bitta mag‘lubiyat alamini totgan. Uning raqibi Per Xuber esa 23 ta jangning faqatgina 1 tasida yengilgan.

Javohir Toshxo‘jayev, O‘zA