ТИВ матбуот хизмати хабарига кўра, Бахтиёр Саидов АҚШ Вакиллар палатаси аъзолари – Майк Рожерс, Адам Смит, Салуд Карбахал ва Вероника Эскобар билан учрашган.

Мулоқот давомида Ўзбекистон – АҚШ стратегик шериклигида янги имкониятлар очилаётгани қайд этилган.

Ўзбекистон томони америкалик ҳамкорларнинг парламентлараро дўстлик риштасини рағбатлантириш, бизнес алоқасини ривожлантиришдан, таълим соҳасидаги шериклик кўламини кенгайтириш борасидаги саъй-ҳаракатини қадрлайди.

Мамлакатимиз АҚШнинг барча штатлари билан, айниқса, иқтисодий йўналишда тўғридан-тўғри алоқани чуқурлаштиришдан манфаатдор.