Кинематография агентлиги директори Фирдавс Абдухолиқов “Татаркино” муассасасининг 100 йиллиги муносабати билан Татаристонга таклиф этилди.
Кинематография агентлиги ахборот хизматига кўра, Қозон шаҳрида МДҲнинг кўплаб кино ташкилотлари раҳбарлари музокаралари ўтказилди.
Жумладан, агентлик директори Қозон давлат маданият институтида ташкил этилган учрашувда нутқ сўзлаб, ўзбек кино саноатининг сўнгги йиллардаги ривожланиш динамикаси, Ўзбекистон билан ўтган ва келажакда амалга оширилаётган қўшма лойиҳалар ҳақида гапирди.
Кун якунида “Мир” кинотеатрида «Ўзбек киноси кунлари»нинг очилиши бўлиб ўтди.
Унда хорижлик томошабинлар учун “Илҳақ” фильми тақдим этилди.
Н.Усмонова,
ЎзА