Хитойнинг Тайян шаҳрида ўтган таэквондо WТ бўйича “Париж-2024″ ёзги Олимпия ўйинлари учун Осиё лицензион турнирида спортчиларимиз Жасурбек Жайсунов (-80 кг.) ҳамда Озода Собиржонова (-67 кг.) ўз вазн тоифаларидаги баҳсларни муваффақиятли ўтказди.
Жасурбек Жайсунов саралаш мусобақаларида Камбожа, Сурия вакилларидан устун келди. Олимпия йўлланмаси учун кечган жангда эса ироқлик Саиф Тоҳирни «Париж-2024» йўлланмасидан маҳрум этди.
Озода Собиржонова эса Олимпиада йўлланмаси учун кечган баҳсда вьетнамлик Ти Кием Бакни даяндан бош эгиб чиқишга мажбур қилди ва таэквондо WТ бўйича Ўзбекистон терма жамоасининг тўлиқ таркибда «Париж-2024″ йўлланмаларига эга бўлишига муносиб ҳисса қўшди.
Эслатиб ўтамиз, юртимиз таэквондочиларидан Улуғбек Рашитов (68) ва Светлана Осипова (+67) Халқаро таэквондо федерацияси рейтинги орқали “Париж-2024» йўлланмасига эга чиққан спортчилар саналади.
Т. Рўзиев, ЎзА