Бугун Москвада “Мато ва тўқимачилик материаллари – Интерткань- 2024″ халқаро кўргазмасининг иккинчи кунги тадбирлари ўтказилмоқда.
Унда Ўзбекистоннинг “Haj Tex“,” Samo“, ”Oltin Mato“,” Fayz-M“, ”Monomy“ каби корхоналари иштирок этмоқда.
“Ўзтўқимачиликсаноат” уюшмаси ахборот хизматига кўра, Ўзбекистон корхоналари стендлари учун умумий ҳисобда 200 квадрат метр майдон ажратилган. Уларда ишлаб чиқарувчиларимиз ип-калавадан тортиб тайёр кийим-кечаклар каби маҳсулотларини тақдим этмоқда.
Таъкидлаш керакки, ушбу кўргазма МДҲ давлатлари, Италия Хитой, Корея, Туркия, Миср компаниялари учун инновацион тақдимот платформасидир.
Н.Зиёдуллаева, ЎзА