Ўзбекистон Республикаси Бош вазири Абдулла Арипов 11 март куни Тожикистон Республикасига келди, дея хабар берди ҳамкоримиз “Ховар” агентлиги.

Душанбе халқаро аэропортида юқори мартабали меҳмонни Тожикистон Республикаси Бош вазири Қоҳир Расулзода ва бошқа расмийлар кутиб олди.

Ташриф давомида Тожикистон Республикаси Президенти Эмомали Раҳмон Бош вазир Абдулла Ариповни қабул қилиши кутилмоқда.

Шунингдек, 12 март куни Душанбе шаҳрида Тожикистон ва Ўзбекистон Бош вазирлари Қоҳир Расулзода ва Абдулла Арипов ўртасида учрашув бўлиб ўтиши режалаштирилган.

ЎзА